DD Writers Visit Ma'am Ophie, Manila Bookfair

Debbie, Melvin, Rey, Ynna, Rhom, Ma'am Ophie, ako.

Set. 13, 2008: Bumisita ang ilang kasapi ng aming munting samahan, ang Dapitdilim Fellowship of Writers kay Dr. Ophelia Alcantara Dimalanta sa UST. Ilang linggo na rin na-postpone ang pagdalaw na 'yun.

Ang Dapitdilim ay isang pagkakaibigan-bago-organisasyon ng ilang Fellows ng 9th UST National Writers' Workshop na naging mas bonded sa LIRA Poetry Workshop 2008.

Pagkatapos ng Uste ay dumeretso na kami sa Manila International Bookfair sa SM Mall of Asia. 'Yun na rin ang nagsilbing unang araw ng pamimili ko ng mga libro. May Part 2 pa ang book hoarding kinabukasan, araw ng Linggo.

Kinagabihan ay nag-dinner kami kasama si Carla sa Shakey's...para magamit naman ang free pizza (c/o my Pizzafanatic Card/Coupons hehe).

LIRA Balagtasan Workshop @ Ortigas Library

Di 'yan na-Photoshop. Sa lighting lang yata.

Agosto 10, 2008: Bumalik ang LIRA sa Ortigas Foundation para idaos ang Balagtasan lectures ng mga bagong Fellows.

Sina Galileo Zafra, Teo Antonio, at Michael Coroza ang mga naging tagapanayam. Dumalo rin sa panayam sa umaga si Paolo Manalo.

Ang pagkasunod-sunod ng mga pangyayari:

Umaga -- lecture ni ser Galileo
Tanghali -- Robinson's Galleria
Hapon -- workshop na pinamunuan ng Prinsipe ng Balagtasan, Teo Antonio, at ang lagi niyang kapares, si ser Mike; nagtuos din sa Balagtasan ang mga Fellows.

Parangal kay Rio Alma: Photo Ops & Inuman

Heto ang Part 2 ng Parangal kay National Artist Virgilio S. Almario bilang Dakilang Bulakenyo sa Malolos noong Set. 8, 2008. (Tingnan ang Part 1.)

Pagkatapos ng dula para kay ser Rio ay nagkaroon ng kainan. Umikot-ikot din ang mga tao (siyempre kasama kami ni Ynna na 'unofficial official photog') para magpapicture sa kung ano-anong Rio Alma memorabilia. At oo, hindi nawala si eksena si ser Rio, na nagpaunlak din sa mga photo ops.

Hapon na nang kami'y umuwi...sa Sarah's Beer Garden sa UP Diliman. Nauna kami nina ser Teo Antonio, Mike Coroza, at Vim Nadera. Sumunod na lang si ser Rio at iba pa.

Hatinggabi na yata nang makauwi kami ('yung totoong uwian sa kanya-kanyang bahay).

Parangal kay Rio Alma: Dakilang Bulakenyo

Set. 8, 2008 sa Malolos, Bulacan: Inimbitahan kami ni sir Rio Alma (National Artist for Literature Virgilio S. Almario) sa kanyang Parangal bilang Dakilang Bulakenyo sa Singkaban Fiesta.

Itong album ang Part 1 ng mga pics.

Sa UP Diliman muna nagkita-kita ang mga kaibigang naimbita ni sir Rio. Nagkaroon kami ng motorcade patungong Malolos. Kasama ko sa 'official FX' (ngek!) ng UP sina sir Mike Coroza, sir Vim Nadera, at mga pinadala ng Manila Bulletin.

Muntik na akong hindi makahabol sa motorcade; buti at mabilis ang nasakyan kong taxi mula sa St. Luke's (kung saan na-confine si Dad).

Nagkaroon ng Hero's Welcome kay sir Rio sa Malolos kung saan pinasakay siya sa karosa at kumaway sa mga fans. Hayup haha. Sa kapitolyo naman ay nagkaroon ng Memorabilia Exhibit at theater performance para kay sir Rio.

Nasa sumunod na album ang mga retrato ng inuman namin sa UP Diliman kinagabihan.

Kakauwi Mula Norte: Baguio at Pangasinan

Kakagaling ko lang mula Pangasinan at Baguio City para sa 1) Sining ng Tugma at Sukat event ng NCCA at LIRA (basahin ang nauna kong blog post) at 2) excursion ng aming munting Dapitdilim Fellowship of Writers.

Ang mga napuntahan (di kasama ang mga bayang nadaanan lang): Dagupan City (STS), Mangaldan (kung saan kami tumira), San Fabian (beach), at siyempre, Baguio.

Masaya, masaya, masaya, at nakakapagod. Dahil medyo nanghina pa lalo ang mahina ko nang katawan, at dahil marami pa akong ibang album na kailangang i-upload, saka na lang ang mga kumpletong retrato. Sobrang dami rin kasi e.

Heto ang mga SAMPOL at low-res na piks:

Dapitdilim breakfast sa Cafe by the Ruins, Baguio.

Dapitdilim excursion sa Burnham Park, Baguio.

Dapitdilim pilgrimage sa Manaoag.

Dapitdilim night swimming & workshop sa San Fabian.

Nagsasalita sa STS event sa Dagupan City National HS.

Group pic w/ Mike & Jeanette Coroza at ilang DCNHS superiors & students.

Kasama ang painting ni Ynna sa Abuan residence, Mangaldan.

Sining ng Tugma at Sukat sa Dagupan

Ako ang nagsisilbing Coordinator sa gaganaping Sining ng Tugma at Sukat (STS) event ng National Commission for Culture and the Arts (NCCA) at LIRA sa Lunes, Setyembre 22 sa Dagupan City National High School. (I-klik lang ang image sa taas para sa full version ng programme.)

Si sir Michael Coroza ang magiging tagapanayam sa umaga; sasamahan ko siya bilang workshop panelist sa hapon. Dahil mag-isa akong LIRA member sa event, kailangan ko ring magbigay ng Pambungad at Pangwakas na Salita. Hay.

Mula sa LIRAonline.org:

Inihahandog ng Pambansang Komisyon para sa Kultura at mga Sining (NCCA), Linangan ng Imahen, Retorika at Anyo (LIRA), at Dagupan City National High School (DCNHS) ang ikalawang programa ng Sining ng Tugma at Sukat sa Setyembre 22, 2008 sa Dagupan, Pangasinan.

Ang Sining ng Tugma at Sukat (STS) ay isang proyekto ng NCCA at LIRA para sa mga guro ng Filipino sa mga matataas na paaralan sa Kalakhang Maynila at mga karatig na lalawigan.

Ang daloy ng programa:

8:00 – 8:30
Pagpapatala

8:30 – 9:00
Panalangin
Gng. Hazel Z. Dolor, Guro sa Filipino, DCNHS

Pambansang Awit
Gng. Gemma M. Erfelo MT II sa Filipino, DCNHS

Pambungad na Salita at Introduksiyon
Bb. Lorna T. Caguioa, HT VI, Filipino, DCNHS
Dr. Teodora V. Nabor, Punong-Guro IV, DCNHS
Dr. William E. Macob, Tagamasid Pansangay I
Phillip Kimpo Jr., LIRA

9:00 – 9:30
Minindal

9:30 – 11:30
Panayam: Sining ng Tugma at Sukat
Assoc. Prof. Michael M. Coroza, LIRA

11:30 – 12:00
Malayang Talakayan

12:00 – 01:00
Tanghalian

01:00 – 02:00
Pagsasanay sa pagsulat ng tulang may tugma at sukat
Mga Delegado at kasapi ng LIRA

02:00 – 04:00
Palihan
Mga Delegado at kasapi ng LIRA

04:00 – 04:30
Bigkasan

04:30 – 05:00
Paggawad ng mga Sertipiko
Bb. Lorna T. Caguioa at Phillip Kimpo Jr.

Pangwakas na Pagbati
Phillip Kimpo Jr., LIRA

Sina Renato R. Santillan at Phillip Kimpo Jr. ang mga tagapag-ugnay ng programa.

Paalis na ako ngayon papuntang bus station, hehe. Bakit maaga? Magkakaroon din kasi kami ng munting excursion ng mga kasama kong manunulat sa Dapitdilim (hint: "Dapitan + Diliman") sa Baguio, Manaoag, at isang beach.

Sa Martes pa ang balik ko. Kita-kits.

Bagong Website: Writers Union of the Philippines

Ito ang pinagkaabalahan namin nina Ia, ser Vim Nadera, at iba pa nitong mga huling linggo. Mula sa Panitikan.com.ph:

September 13, 2008

UMPIL WEBSITE LAUNCHED

The Unyon ng mga Manunulat sa Pilipinas (UMPIL) launched its new website, www.Umpil.org during its 34th National Convention held last August 30. Umpil.org contains information on the organization's history, membership, officers, and annual Congress. A list of yearly winners of the Gawad Pambansang Alagad ni Balagtas, Gawad Paz Marquez Benitez, and Gawad Pedro Bucaneg can also be perused.

Founded in 1974, UMPIL is the largest organization of Filipino writers in the country. V.E. Carmelo D. Nadera ,Jr., is its current chairperson.

Umpil.org was designed by Stellify.net's Sophia Lucero, who also designed the literary journal BulawanOnline.com. The webmaster is Phillip Kimpo Jr.

UMPIL also launched its own presence on Multiply at www.umpil.multiply.com. Multiply is a popular social networking and media sharing website. Umpil.multiply.com serves as the organization's photo album, as well as a means to reach out to a wider audience. Writers with Multiply accounts are invited to add UMPIL to their list of contacts.

(Panitikan.com.ph)

Nahuli itong press release dahil mahigit dalawang linggo nang online ang website. Nasa photo album ko ng 34th UMPIL National Writers Congress ang ilang retrato ng paglalaunch ng site: 1, 2, 3.

At oo, sa wakas ay UMPIL member na rin ako.

Maraming salamat kay Ia para sa isa na namang magandang likha. Ang Umpil.org ang ikalawa sa set-of-three lit websites na inatupag namin. Hint: lumabas na ang ikatlo at ikahuli, pero di pa nabibigyan ng pormal na press release. Sa mga susunod na araw na lang.

Bumisita na sa Umpil.org at i-add ang Umpil @ Multiply.

Dad's Operation @ St. Luke's Hospital

Pinsan ko si kuya Dars.

Setyembre 5-8, 2008: na-confine si Daddy sa St. Luke's Hospital para sa isang minor operation. Tagumpay naman ang naging operasyon. Boring sana ang aking pagbabantay kay Daddy (only child lang ako at hiwalay na ang aking mga magulang) kundi sa pagbisita ng aking mga kamag-anak at kaibigan.

Maraming salamat sa aking mga tito, tita, at pinsan na dumalaw. Maraming salamat din sa mga nag-text at nangamusta kay Dad. Maraming salamat din sa mga kasamahan kong manunulat sa Dapitdilim, lalong lalo kay Ynna :)

• Biyernes - Check-in ni Dad sa ospital. Sa Room 3012 sa Annex II kami inilagay. Buti at newly renovated. Bago maghatinggabi ay sinimulan na ang paghahanda kay Dad para sa kanyang operasyon.


• Sabado - Pagsapit ng mga 3 A.M. ay dinala na si Dad sa operating room. 5 A.M. siya inoperahan; mabilis lang ngunit nagpalipas pa siya ng ilang oras sa recovery room. Mga 1:30 P.M. na siya bumalik sa kuwarto.
  
  Dapat ay kasama ako sa WordCamp Philippines, ang 1st WordCamp sa buong Southeast Asia. Nag-tshirt na lang tuloy ako ng WordCamp hehe. In-spirit na lang ako naroon.
  
  Dumalaw si Kuya Darius (second cousin). Lumipat din kami sa room 3018 (baka daw pumasok ang amoy ng pintang ginagamit sa nirerenovate na nurses' station). Pagsapit ng gabi ay bumisita rin si Tito Boy at ilan sa mga kasamahan ko sa Dapitdilim at LIRA.
  


• Linggo - Rest day. Sa ospital na ako nakapanood ng UAAP Cheerdance Competition. Buti nanalo ang UP. UP Fight!!!
  
  Pagsapit ng gabi ay bumisita ang mga tita, tito, at pinsan ko.


• Lunes - Discharged na si Dad. Eto rin ang araw na nawalan ako ng halos 100K, hindi dahil naholdap ako, pero dahil ako ang nagbayad sa hospital bill / doctors' fees. Discounted na 'yun a.
  
  Kumaripas din ako patungong UP Diliman para sumama sa motorcade nina ser Rio Alma. Inimbitahan kasi ako ni ser na sumama sa parangal sa kanya bilang Dakilang Bulakenyo sa Malolos. Sa susunod na album na lang ang mga pics.

LIRA Translation Workshop @ Ortigas Library

Hulyo 26, 2008: Sa Ortigas Foundation Library idinaos ng LIRA ang Translation lectures ng mga bagong Fellows. Sina sir Marne Kilates at sir Michael Coroza ang mga naging tagapanayam.

Unang beses ko ring makapunta noon sa Ortigas Library. Maliit ngunit maganda talagang venue ang lugar. Eto rin ang araw na nakapag-UP attire ako w/o knowing it -- t-shirt, bag, jacket. Kulang na lang ay panloob at pantalon.

Ilan lang kaming members na nakapunta, at may mga nag-sit-in din.

Ang pagkasunod-sunod ng mga pangyayari:

Umaga -- lecture ni ser Marne (Filipino to English translation)
Tanghali -- Robinson's Galleria
Hapon -- lecture ni ser Mike (English to Filipino translation); translation exercises
Takipsilim -- balik sa Galle para mag-merienda/hapunan (Dapitdilim members + Carla)

UMPIL National Writers Congress 2008: Inuman Atbp.

Heto ang Part 3 ng 34th National Convention ng Writers Union of the Philippines (UMPIL). Kulang ang pamagat (dahil masyado nang mahaba). 'Yung "Atbp." dapat diyan ay "Walang Hiya-Hiya na Photo Opportunities at Group Pics."

Pagkatapos ng awarding ceremonies ay nagkaroon ng group pics ang mga awardees at UMPIL officers. Sumunod ang masayang group pics ng LIRA members at fellows kasama sina Rio Alma at ang mga seniors.

Bago kami tumahak patungong Senate compound ay nagkaroon din kami ng group pics sa stairs ng GSIS, kung saan nakasama namin si Edgardo Maranan. (Game na game si ser!)

Lagpas tatlong oras kaming uminom ng mainit na beer sa basketball court ng Senate compound, pinaliligiran ng mga sundalo. Hindi dahil kaaway namin ang pamahalaan, ngunit dahil quarters lang talaga nila 'yun, hehe.

(Langyang warm beer 'yan. Ambilis tuloy naming malasing.)

Maraming, maraming salamat kay miss Willet para sa kanyang paghahatid-sundo sa mga Fellows at kasapi ng LIRA. Kung wala siya ay di na siguro aabot nang may sapat na enerhiya upang tumoma ang mga tao.

Ang daloy ng mga pangyayari noong araw na 'yon:

• Part 1: Registration; LIRA photo ops; unang bahagi ng programa na kinatampukan ng keynote speech ni Hyeon-seok Bang, tanyag na manunulat mula South Korea; launching ng Umpil.org at bagong logo; open forum; tanghalian; book signings


• Part 2 -- UMPIL committee meetings; awarding ceremonies ng mga Gawad Pambansang Alagad ni Balagtas, Paz Marquez Benitez, at Pedro Bucaneg


• Part 3 -- Sangkaterbang LIRA group photo ops uli; inuman sa Senate compound

Ang huling batch ng mga retrato:

UMPIL National Writers Congress 2008: Awarding

Heto ang Part 2 ng 34th National Convention ng Writers Union of the Philippines (UMPIL). Tingnan ang Part 1: mas masaya ang pics sa album na 'yun hehe.

Pagkatapos ng mga pangyayari sa umaga, naghiwahiwalay ang mga kasapi ng UMPIL para sa mga committee meetings. Ang paksa: Writers' Welfare Act. Sumunod ang pag-awit nina Bb. Alegria Ferrer at ser Njil de Mesa.

Panghuli ang pinakaaabangang bahagi ng araw: ang awarding ceremonies ng Gawad Pambansang Alagad ni Balagtas para kina:

• Ruperta Asuncion (Iluko poetry)


• Edgardo Maranan (Filipino/English poetry)


• James Na (Chinese poetry)


• Armando “Bing” Lao (Filipino screenplay)


• Delfin Tolentino (English essay)

Pinarangalan din ng Gawad Paz Marquez Benitez si Prof. Ligaya Tiamson Rubin at Gawad Pedro Bucaneg ang Arejola Foundation for Social Responsibility, Inc. Nagkaroon din ng tribute kay Adrian Cristobal, pumanaw na Chairman Emeritus ng UMPIL.

Ang daloy ng mga pangyayari noong araw na 'yon (isusunod ko ang Part 3):

• Part 1: Registration; LIRA photo ops; unang bahagi ng programa na kinatampukan ng keynote speech ni Hyeon-seok Bang, tanyag na manunulat mula South Korea; open forum; tanghalian; book signings


• Part 2 -- UMPIL committee meetings; awarding ceremonies ng mga Gawad Pambansang Alagad ni Balagtas, Paz Marquez Benitez, at Pedro Bucaneg


• Part 3 -- Sangkaterbang LIRA group photo ops uli; inuman sa Senate compound

Ang ikalawang batch ng mga retrato:

UMPIL National Writers Congress 2008: Part 1

Agosto 30, 2008 sa GSIS Museo ng Sining, Cultural Center of the Philippines Complex: Idinaos ang 34th National Convention ng Writers Union of the Philippines. Ang UMPIL (Unyon ng mga Manunulat sa Pilipinas) ang pinakamalaking samahan ng mga wordsmiths ng bansa.

Naging star-studded ang okasyon, tulad ng sa mga nakaraang taon. Dumalo ako bilang kasapi ng LIRA at upang 'maipakilala' (ayon kay ser Vim Nadera) bilang webmaster ng bagong Umpil.org website.

Ang daloy ng mga pangyayari noong araw na 'yon (isusunod ko ang Parts 2 & 3):

• Part 1: Registration; LIRA photo ops; unang bahagi ng programa na kinatampukan ng keynote speech ni Hyeon-seok Bang, tanyag na manunulat mula South Korea; launching ng Umpil.org at bagong logo; open forum; tanghalian; book signings


• Part 2 -- UMPIL committee meetings; awarding ceremonies ng mga Gawad Pambansang Alagad ni Balagtas, Paz Marquez Benitez, at Pedro Bucaneg


• Part 3 -- Sangkaterbang LIRA group photo ops uli; inuman sa Senate compound

Nagkaroon din ng mini-book fair kung saan namakyaw ang mga tao ng mga discounted na aklat. Ewan na lang kung may natira pang savings para sa nalalapit na Manila Int'l. Book Fair.

Nakapag-uwi ako ng limang libro mula sa araw na 'to, at dalawa ay bigay ni James Na at Hyeon-seok Bang. Ang tatlo naman ay binili ko (Mga Tula sa Pag-Ibig ni Teo Antonio, Reading Korea: 12 Contemporary Stories, at ang aklat pambata na Bru-ha-ha-ha-ha-ha…Bru-hi-hi-hi-hi-hi).

Ang unang batch ng mga retrato:

Tulawikaan (LIRA Event sa UST)

Agosto 27, 2008: pumunta ako sa UST (sa Thomas Aquinas Research Center) para tumulong sa Tulawikaan, isang seminar tungkol sa panulaan at wikang Filipino. LIRA ang nag-organize ng event, katulong ang Kagawaran ng mga Wika ng UST.

Dahil onti lang kaming mga LIRA members na naroon, haggard kaming lumabas ng Uste. Inuman na lang sa Tapsi ang naging lunas sa pagod.

Ang mga naging speakers sa Tulawikaan: Vim Nadera, Lilia Antonio, Mike Coroza, at Joey Baquiran.

Lagpas 70 katao mula sa samu't saring paaralan at institusyon ang dumalo; 39 yata rito ay paying guests. 'Yung iba kasi libre dahil taga-Uste, o kaya'y may mga na-refer na kaibigan.