Manila Int'l Book Fair 2009 + Dragonologist

Set. 19, 2009: Di pwedeng dumaan ang taon nang di pumupunta sa MIBF sa SM Mall of Asia. Tradisyon na e.

Pero ikumpara sa 2008 MIBF experience, kakaunti lang ang mga aklat na nabili ko. Wala na kasing papantay sa 52 books na pinakyaw ko noong 2008, hehe. Tsaka kaming dalawa lang ni Ynna, wala ang mga kapwa makata sa LIRA.

The next day, naglaro kami ng Dragonologist board game sa Sta. Mesa. Pang de-stress lang.

Kinabukasan naman ang aming one-day Pangasinan trip w/ National Artist Rio Alma, at nasa susunod na album 'yun.

My Photos Published in Balikbayan Magazine

Bumili po kayo ng September '09 issue ng Balikbayan Magazine, kung saan makikita ang mga retrato ko ng UP Diliman.

Ang weird ng pakiramdam na ma-publish para sa pics at hindi sa mga literary works o articles, lalo't lagi kong sinasabing "hindi ako nangarap maging photographer."

Salamat kay Louie Jon Sanchez, kaibigan, Associate Editor ng magasin, at LIRA Fellow '09 para sa pagtanggap sa mga retrato ko. Dagdag-savings din ang tsekeng makukuha ko hehehe.

Kasunod ng Balikbayan pics ang pagkakalathala ng mga kuha ko sa "Pitik-Bulag: Letra at Liwanag" coffee table book ng GSIS. Mukhang swerte ang mga nakaraang linggo para sa kamera ko.

Apat ang retrato kong nakapasok sa magasin, at dalawa dito'y two-page spreads.

Kaya 'yun, bili na kayo ng Balikbayan Magazine. Magaganda ang mga artikulo at siksik sa mga retrato ang isyu.

Cover ng issue kung saan makikita ang pics ko.

Yey.

My Photos in "Pitik-Bulag" Coffee Table Book

Makikita po sa "Pitik-Bulag: Letra at Liwanag (A Celebration of Contemporary Filipino Art and Poetry)" ang portrait shots ko sa ilan sa pinakamagagaling na makata at pintor ng Filipinas.

Hindi ako nangarap maging professional photographer. Bumili lang ako ng DSLR noong 2008 dahil may kaibigang nagbebenta ng murang second-hand cam at para na rin pang-document ng literary events.

Hanggang ngayon, pakiramdam ko'y bano pa rin ako sa pagpitik ng mga retrato. Kaya noong 'kinomisyon' (walang bayad, serbisyong kaibigan lang) akong kuhanan ang mga poets & painters ng Pitik-Bulag book project ng GSIS at National Artist Virgilio S. Almario (Rio Alma), kinabahan ako.

Sabi ko kay Ynna at sa sarili ko, "Syet, nakakahiya ang mga magiging kuha ko." Eniweis, ayun at halos mabali ang likod ko sa nakakangawit na 'pictorial' sa GSIS Museo ng Sining noong Hulyo. Wala kaming special lighting, props, o anuman. (Kahit nga terminolohiya para sa pictorial ay di ko alam. Writer po ako hehe.)

Naghanap lang kami ni sir Fidel Rillo ng magandang lokasyon, pagkatapos ay tinawag na ang mga artists. Kakaibang karanasan din pala ang magmano ng pictorial -- lalo kapag wala kang alam. Pero nakaraos din.

Ilan sa mga kuha ko. Profiles ito ng mga poets. Hiwalay ang profiles ng painters & editors.

Kaya naman nang nailunsad ang aklat noong Agosto 25 sa GSIS, ang sarap lang ng pakiramdam. Di ako makapaniwalang nasa isang aklat ang mga kuha ko, lalo't di naman ako nangangarap na makilala bilang photographer.

Ngunit mas masaya ako noong araw na iyon para kay Ynna (na ngayon ay lumalagda na bilang "Mariane A.R.T. Abuan"). Siya kasi ang book coordinator ng Pitik-Bulag, at ilang buwan rin siyang nangarag sa proyekto.

Pangalan ko (sa dulo) at pangalan ni Ynna (3rd from last).

Dahil 'serbisyong kaibigan' nga lang ang 'komisyon' sa akin, di ako umasang may makukuhang kahit ano. Pero naawa siguro sa akin si sir Rio (hehehe) kaya binigyan ako ng kaunting honoraria at libreng kopya ng aklat. Sa ngayon, wala pa atang balak ibenta ang libro, pero kung pepresyuhan ito, ang nasagap kong halaga ay Php 10,000. Waw.

Ang listahan ng Pitik-Bulag artists:

Editors: National Artist for Literature Virgilio S. Almario, Marne L. Kilates

Poets: Rebecca Añonuevo, Roberto Añonuevo, Teo Antonio, Mesandel Arguelles, Romulo Baquiran Jr., Michael Coroza, Jerry Gracio, Vim Nadera, Fidel Rillo, Edgar Samar

Painters: Leonardo Aguinaldo, Virgillio Aviado, Manuel Baldemor, Elmer Borlongan, Salvador Ching, Charlie Co, Fil Delacruz, Edgar Talusan Fernandez, Jose John Santos III, Steve Santos

16 lang sa kanila ang nakuhanan ko ng retrato. Kasama din ang mga likha ng National Artists for Visual Arts Fernando Amorsolo, Carlos Francisco, Vicente Manansala, Hernando Ocampo, Ang Kiukok, at Jose Joya.

* * *

Eniweis, heto pa ang ilang pics mula sa Pitik-Bulag launch at birthday inuman ni sir Mike Coroza pagkatapos:

Pitik-Bulag editors, poets, painters with GSIS President Winston Garcia.

National Artist Rio Alma, nagbibigay ng panayam kay Henry Omaga-Diaz.

Kami nina Carla at En kasama ang painting ni Fil Delacruz.

The kulot sisters, Ynna & Debbie.

Unang Beses Maging Judge sa Literary Contest

Nitong nakaraang Agosto, ikinalugod kong maanyayahang umupo bilang hurado sa UP Manila Sentro ng Wikang Filipino (SWF) Paligsahan sa Pagsulat ng Tula at Sanaysay. Bahagi ang timpalak ng pagdiriwang ng UPM ng Buwan ng Wika 2009.

Judges' tokens: pigurin ng UP Oblation, sertipiko ng pasasalamat, at munting honoraria (puting sobre).

Ako na mismo ang magsasabi: hindi ako naging inampalan dahil sa pagiging dalubhasa ko sa pagtula at pagsulat ng sanaysay. Naging hurado ako dahil inimbitahan ang Pangulo ng LIRA, at ginampanan ko lang ang trabaho ko. Pero siyempre, masaya dahil pers taym.

Nakasama ko sa lupon ang mga ka-LIRA na sina Dr. Lilia Antonio at Prop. Vim Nadera.

Lubos akong nagpapasalamat sa UPM-SWF sa pamumuno ng Direktor nito, si Prop. Ma. Lucia M. Magallona, at kay Prop. Josephine D. Agapito na kasalukuyang Fellow sa LIRA Poetry Clinic 2009. Hindi ko inasahan ang ibinigay nilang tokens (retrato sa itaas). Tuwang-tuwa naman ako dahil wala pa akong pigurin ni Oble hehe.