LIRA Poetry Workshop 2008: Opening Day

Putris. Ambilis ng isang taon. Noong nakaraang taon, simula pa lang ng LIRA Poetry Clinic 2007, wala pa akong kakilala masyado sa mundo ng literatura. Outsider ba, kumbaga. Di ko pa alam noon kung maayos ba akong tumula at sumulat sa Filipino (nauna akong mahasa sa Ingles).

Nitong Sabado, Hunyo 7, 2008, simula na naman ng bagong workshop. Nagpakilala na ako bilang bagong kasapi ng LIRA.

Ambilis.

Sa umaga: orientation ng mga bagong Fellows at pagpapakilala ng mga miyembro ng LIRA. Pito pala sa mga kasama kong Fellows sa UST National Writers' Workshop ang nakapasok sa LIRA batch '08: Ynna Abuan, Melvin Medes, AC Nadora, Debbie Nieto, Ge Paguibitan, Rhom Peña, at Rene Santillan.

Sa hapon: open-to-the-public lecture ng Ama ng LIRA, ang Pambansang Alagad ng Sining na si Virgilio S. Almario (aka Rio Alma). Pamagat: "Reklamasyon sa Pambansang Gunita."

At habang nagaganap ang dalawa, may book fair sa labas ng silid -- Anvil, Fox, at Adarna ang mga in attendance.

Galing ang mga retrato rito kina Ynna at Melvin.

Isusunod ko na lang ang mga piks ng inuman kinagabihan, kung saan nakasama namin sina ser Rio, Vim, Mike, Jerry, at iba pa. Sobrang dami kasi pag pinagsama sa iisang album lahat ng retrato!