Phil. Creative Industries Conference + "Atang" World Premiere + Jazz Concert + Naputukan ng Rebentador

Nitong nakaraang dalawang araw ay nasa UP Diliman ako para sa Philippine Conference on Global Prospectus for the Arts (whew!), dalawang pagtatanghal, at ilang oras ng malalalim na kuwentuhan kasama ang ilang kaibigan ko sa sining.

Masaya rin akong nakapag-surbayb kahit invalido ang kanang kamay ko. (Mor on dat leyter.)

1,000 pesos dapat ang bayad para sa conference pero nakalibre ako dahil LIRA member. Hindi LIRA ang nag-organisa ng event; naghahanap lang sila ng pang-puno ng mga slots. (Salamat Rhoj!) At dahil si sir Rio Alma ang isa sa mga may pakana ng conference, isa ang LIRA sa mga nilapitan.

Libre rin ang pagkain (sponsored ng UP), kape, concert, at play sa dalawang araw ng conference. May bookfair din (wish ko lang na libre rin ang mga aklat). Sa madaling salita, hindi ako nagsising pumunta kahit tadtad ng band-aid ang mga kamay ko.

Okey naman ang mga speaker; may dalawang porendyer at marami kaming napulot na bagong kaalaman.

Sina Ynna Abuan, Nerisa del Carmen Guevara, Debbie Nieto, Romeo Peña, at Beverly Siy ang nakasama ko nang matagal sa Abelardo Hall, UP Theater, isawan sa Kalai, Area 2, at Palma Hall. Pinagsama-sama ko na ang mga pangalang 'yan. Kaming tatlo lang nina Ynna at Debs ang kumpleto ang attendance -- di na nakadalo si Rhom sa 2nd day, si miss Bebang sa parehong pagtatanghal, at si ma'am Ricci sa jazz concert. (Nakasama din namin sina En Villasis, Claire Madarang, si Rhodge Fernandez na stressed na stressed sa pagiging organizer, at da seniors op da lit world.)

Pagkatapos ng unang araw, nagkaroon ng pagtatanghal ang UP Jazz Orchestra. Unang beses kong makaranas ng live jazz performance. Asteeeg. Humingi pa ng ilang encore ang audience hehe.

Pagkatapos naman ng ikalawang araw, gala night ng dulang "Atang", based on the life of National Artist Honorata de la Rama. Putris ang galing lang talaga. Sabi nga ni ma'am Ricci, matagal na mula nang lubos siyang maapektuhan ng isang dula. Di ko rin inasahang mapapaiyak ako ng "Atang."

Ilang beses nag-standing ovation ang mga tao; humihiyaw ang iba (sina Frank Rivera ata) ng "Ang galing!" Di ko mapigilang pumalakpak kahit umaaray na ang mga sugat sa kamay.

On a side note, nahirapan kaming manahimik sa ilang bahagi ng dula dahil sa mga joke ni sir Vim Nadera. Si sir Mike Coroza din ay may mga naging hirit (tungkol sa 'Balagtasan' sa play na medyo naging OA at katawa-tawa). E nagkataong sandwiched pa kami sa dalawa (ser Mike - Ricci - Ynna - ako - Debs - ser Vim).

Pagkatapos ng dula, libreng hapunan. Gusto nang sumuko ng tiyan ko, lalo't nabusog na ako sa food trip namin noong hapon, kung saan nilamutak ko ang 3 stick ng BBQ (mula sa isawan sa Kalai), 1 stick ng chicken balls (mula sa may SC), at corn shake (mula sa Lutong Bahay, na mga 3 taon ko nang di nakakainan).

Halos 10 PM na yata nang bumaba kami at tumabay sa AS steps. Isang oras din ata kaming nagkuwentuhan doon. Mga pagmumuni-muni sa buhay, sa pagsusulat, sa hinaharap namin sa sining, atbp. 'Yung tipong mga usapang nakakakaba pero nakakasabik, nakakadulot ng hiwaga pero nakakapagpaliwanag.

Basta, parang isang mahabang learning experience ang naranasan namin: sinimulan ng conference, pinagpatuloy ng dula, at nagtapos sa kuwentuhan sa AS.

Consensus naming apat (Ynna, Ricci, Debbie, ako): What a day.

* * *

Laking ginhawa ko lang nang nakauwi ako ng bahay. Dahil na rin sa pagod, pero mas lalo sa mga sugat ko.

Noong nakaraang Linggo kasi, binakbak ang mga kamay ko. Electrocautery. De-warting. Oo, tinanggalan ako ng mga kulugo.

Sabi ni doc, laganap naman daw ang warts. Di lang nahahalata sa balat ng mga malulusog na tao. Nagkataon lang na napakahina ng immune system ko kaya di masyadong makalaban sa virus.

Napabayaan ko nang ilang buwan ang mga warts, pero nabwisit na rin ako't pinasunog. Ayun, tepok na sila.

Problema, tepok din ang pagsusulat at trabaho ko. Malalalim kasi at madami ang sinunog sa parehong kamay. Malala sa kanan; pointing finger at thumb pa ang nadali.

Sa dami ng band-aid (at gauze wrap noong mga unang araw), para na akong naputukan ng rebentador. Paano ka pa ba naman makakahawak ng bolpen?! Di ko na yata matatapos ang una kong libro bago dumating ang Bagong Taon.

Eto nga ngayon at hirap akong mag-tayp. Natuklasan ko tuloy na may kaliwang kamay pa pala akong puwedeng gamitin.

Eto rin ang dahilan kung bakit tahimik ako nang isang buong linggo dito sa Multiply. Ang dami tuloy nabinbin na mga balita at retrato.

Mga dalawang linggo pa akong ganito. Baldadong Kimpo.

Kakain na nga ako ng gulay.

Bagong DSLR Camera: Nikon D80

Hay sa wakas may maganda na rin akong camera.

28K pesos ang bili ko sa Nikon D80, kasama na ang lens (Zoom-Nikkor 18-70mm). Lubos akong nakatipid kung pagbabasehan ang nakasaad sa Wikipedia: "Its current price is $600 for the body only or $800 with the Zoom-Nikkor AF-S DX 18-135 mm f/3.5-5.6G IF-ED kit lens."

Early October o late September ko ata 'to nabili mula kay Melvin. Second-hand pero almost new, dahil 4 months pa lang ang camera.

Disclaimer: Di ako nangarap kailanman rumaket bilang photographer. Napakahina ko sa visual arts. (Literary arts na lang ang pag-usapan.) Pero di ako nakatanggi sa presyo ng cam, tsaka wala namang mawawala kung sumubok akong kumuha ng maaayos na retrato.

Maganda rin ang timing, dahil sangkatutak ang lit events na napupuntahan ko nitong mga huling buwan -- kailangan ng maayos na pang-document hehe.

Heto ang ilan sa mga unang kuha mula nang nabili ko ang cam. Pagpasensyahan na at di kagandahan, beginner's shots lang hahaha. Halos di ako nakapagpraktis at nakapagbasa ng manual dahil sunod-sunod ang lit events.

Sa tapat ng apartment namin sa Cordillera Street, Galas, Quezon City.

Mula sa Dampa, Diosdado Macapagal Avenue, Manila Bay.

Subic-Clark-Tarlac Expressway (SCTEX).

Vim Nadera, ako, Ynna Abuan, Debbie Nieto sa Boardwalk Dive Center, Subic Bay Freeport Zone.

Subic Bay, Zambales.

Subic Bay, Zambales.

Subic Bay, Zambales.

Jungle Environmental Survival Training (JEST) Camp, Subic Bay, Zambales.

Subic Bay beach.

Subic Central School, Subic (iba ang Subic Bay Freeport Zone), Zambales.

Vista Marina Hotel & Resort, Subic Bay Freeport Zone.

Beverly Siy sa Vista Marina Hotel & Resort, Subic Bay Freeport Zone.

Halloween sa bahay.

Filipinas Heritage Library, Makati City.

(Ang retrato sa pinakaitaas ay galing sa Wikipedia.)

Marathon Reading of "Noli me Tangere"

Kuha ni Bb. Vivian Limpin.

Nob. 9, 2008: Isa ako sa mga nagbasa sa marathon overnight reading ng Noli me Tangere ng National Book Development Board of the Philippines. Venue: Filipinas Heritage Library, Makati City.

Kasama kong nagbasa ang mga ka-Dapitdilim Fellowship of Writers na sina Ynna Abuan, Deborah Nieto, Romeo Peña, at Renato Santillan. (Kasama rin namin si Carla Payongayong pero di siya nagbasa.) Naabutan ko rin ang mga kapwa taga-LIRA tulad nina Mic, Mao, En, Repa, miss Beng, Ergoe, Nanoy, ma'am Lilia Antonio, ma'am Becky Añonuevo, at mga Fellows 2009.

5 AM ang slot ng Dapitdilim, at naka-assign sa amin ang Kabanata 44 (Mga Balak) at 45 (Pagsusuri ng Budhi). Pero dahil napaaga kami ng dating, binasa na rin namin ang Kabanata 41 (Karapatan at Kapangyarihan) at 43 (Mag-asawang De Espadaña).

Ang translation/salin ni sir Rio Alma ang ginamit namin. Libre pala ang tsibog at kape.

Kulang sa tulog, mga 10 A.M. na kami nakauwi; di na namin tuloy naabutan si Chin-Chin Gutierrez at iba pang personalidad. (Bisitahin na lang ang album ni Vivian Limpin, kung saan humiram din ako ng isang retrato.)

Magkaroon sana ng marathon reading ng "El Filibusterismo" naman --- mas trips ko basahin ang chaotic na mga pangyayari dun e hehe.

Marathon Reading ng "Noli": Walang Tulugan

Sakses ang naging paglahok naming Dapitdilim Fellowship of Writers at LIRA poets sa marathon overnight reading ng Noli me Tangere noong Nobyembre 9 sa Filipinas Heritage Library, Makati City.

Buti at nakatapos kami nang hindi nakakatulog habang naglalamay nagbabasa -- halos lahat sa amin ay wala pang tulog noong araw na 'yun.

Maraming salamat pala kay Carla na sinamahan kami sa aming pagiging zombie. Ano ba'ng nakain natin? Wahaha.

Tulad nang nakagawian, heto ang ilang sampol piks ng event. May mauuna pa kasing 8 albums bago ko ma-upload ang ~120 photos ng marathon reading.

First round, Kabanata 41.

Second round, Kabanata 43. Kasama ko sina Rey at Rhom.

Third round, Kabanata 44-45. Dapitdilim (from L to R): Renato Santillan, Deborah Nieto, Romeo Peña, Phillip Kimpo Jr., Ynna Abuan.

Kasama sina sir Roger Mangahas at sir Jun Balde.

Magbabasa Kami sa Marathon Reading ng "Noli me Tangere"

Kasama po ang aming samahan, ang Dapitdilim Fellowship of Writers sa mga magbabasa sa marathon overnight reading ng Noli me Tangere sa Filipinas Heritage Library mamayang madaling araw.

5 AM ang slot namin (6 AM naman ang mga LIRA Fellows '08). Ang mga naka-assign na kabanata sa amin: Kabanata 44 (Mga Balak) at 45 (Pagsusuri ng Budhi).

Kaninang 1 PM pa nagsimula ang pagbabasa, pero mamaya pa ako pupunta sa FHL (sa Ayala Triangle ng Makati City). Hanggang 9 AM bukas ang event, at kasunod noon ang LIRA lecture ni sir Jun Balde (parehong venue).

Ang reading ay isang proyekto ng National Book Development Board of the Philippines.

Mula sa Panitikan.com.ph:

Join us in an evening of literature, fun, and good food while we do a marathon reading of the Noli Me Tangere (translated by National Artist for Literature, Virgilio S. Almario) on November 8 to 9, 2008 at the Filipinas Heritage Library. Celebrities, well-known artists, authors, students, and other lovers of Filipino literature will be coming to read (and perform) portions of this influential literary piece.

This event is part of the month-long festivities of the 12 th Philippine Book Development Month, which is celebrated every November.

Nasa Manila Bulletin Ako

At may kasama pang picture -- kaso dapat yata akong mahiya! Hehehe.

Binanggit ni ser Vim Nadera sa kanyang column kahapon sa Manila Bulletin ang event naming Sining ng Tugma at Sukat (STS) Subic, pati na rin ang ginawa naming scuba diving.

Okey na sana na pangalan lang, kaso dinagdagan pa ni ser Vim ng retrato naming apat na mala-Beatles ang pagtawid sa kalye...at naka-diving suits pa!

Sabi nga ni Ergoe sa YahooGroup ng mga LIRA Fellows '08, nagkalat daw kami ng lagim. Wahaha.

Buti na lang at wrong spelling ang pangalan ko -- kulang ng Jr. at isang L. Hindi ako 'yun!

Eto ang excerpt mula sa STS portion ng article (marami pa kasing ibang laman ang column ni ser Vim):

LIRA, by the way, had been on a campus tour with its National Commission for Culture and the Arts-funded Sining ng Tugma at Sukat since its launch last September 14 at the Parish Hall of Saint Francis de Malabon in General Trias, Cavite.

For its fourth leg, we were assigned to conduct such workshop for teachers last October 25 but we took a sidetrip with president Beverly Siy and her diving partner George Ang Dy Pay, who owns and operates the Boardwalk Dive Center at the Subic Bay Freeport Zone in USS Essex-crazy Olongapo.

The STS Team of Ynna Abuan, Philip Kimpo, and Deborah Nieto got there the day before for our D-Day in Coral Garden with Dante Lagac and our savior Jason Obien who gave us our second life!

At the Subic Central School, we were treated like Born Agains by its superintendent Amelia Hebron Mojica and principal Lilia Rosete and their court: Bienvenido Apdal, Christopher Angeles, Mary Anne Angeles, Artemio Aquino, Ester Ching, Jacqueline Concepcion, Venus Fabeliña, Laureto Jimenez, and consultant Clarita A. Lagrama who is proposing a region-wide version.

Emphasis mine. Para sa kumpletong sanaysay, basahin ang online version.

(Pasensya na pala't putol ang scan sa taas, di tuloy kita ang pangalan ni Ynna. Di kasi kasya sa scanner ko ang buong column.)