Pasok sa LIKHAAN Journal of Contemporary Philippine Literature

Yey. Maraming salamat sa UP Institute of Creative Writing para sa pagtanggap ng mga akda ko.

Dalawa ang pinasa ko noong Mayo -- isang koleksiyon ng mga tula sa Filipino at isang sanaysay sa Ingles. 'Yung mga tula ang nakapasok.

Siyempre, masaya ako noong nalaman ko. May honorarium pa man din hehe. Okey lang kahit gaano kalaki, basta meron. Natapos na kasi ang isa sa apat kong trabaho, at kasamang natigok ang 2/3 ng sahod ko buwan-buwan.

Pero noong ipinakita sa akin ni sir Vim Nadera ang mock copy ng Likhaan, putris bigla akong nahiya. Naligaw lang yata ang pangalan ko. Puro premyado at beterano kasi ang mga pangalang nakita ko. Ewan nga kung ako ba ang pinakabata doon.

Takte nakakakaba sa launching ng libro. Dahil may bitbit akong matinong camera, aakalain lang nila akong photographer. Wahaha.

Noong Lunes ko lang nalaman kung sino-sino ang makakasama eekstrahan ko sa Likhaan. Inilista kasi ni ser Vim sa kanyang column sa Manila Bulletin (at least pangalan ko lang at wala nang nakakahiyang-picture-kong-suot-ang-diving-suit-at-pumopostura-sa-gitna-ng-kalye):

(Kinuha ata ni ser Vim ang middle name ko mula sa ipinasa kong CV. "Yerro" ang tamang ispeling. Nagulat ako nang lumitaw, dahil di ko nilalagay 'yan sa byline ko para sa maraming rason, hehe.)

Heto ang alam kong line-up ng UP Centennial Edition ng Likhaan Journal:

Editor: Virgilio S. Almario (Rio Alma)
Co-editors: Gemino Abad & Vim Nadera
Managing Editor: Romulo Baquiran Jr.

Contributors:
Abdon Balde Jr.
Joey Baquiran
Ony Carcamo
Kristian Cordero
Cristina Pantoja Hidalgo
Luis Katigbak
Mookie Katigbak
Marne Kilates
Phillip Kimpo Jr.
Angelo Lacuesta
Susan Lara
Edgardo Maranan
Carlos Piocos III
Rowena Tiempo Torrevillas
Rolando Tolentino

Ayun.

Sa gabi ng UP Writers Day ('yung dating Writers Night) ilulunsad ang Likhaan. Biyernes, Disyembre 5 sa Bulwagang Rizal (Faculty Center). Punta kayo. Sa mga maagang nakatanggap ng Xmas bonus nila, bili na rin kayo ng Likhaan :)