9th IYAS Writing Workshop 1: Bacolod Arrival

April 26, 2009: Pagdating namin sa Bacolod City, Negros Occidental para sa 9th IYAS Creative Writing Workshop. Simula 'to ng aking 3 weeks na workshop galore sa Negros.

Sabay ang flight namin ni Debbie Nieto (ka-Dapitdilim, ka-LIRA, ka-UST Workshop) sa Cebu Pacific. Unang beses kong mag-fly over sa probinsiya kong Aklan nang hindi lumalapag dito. Senti moment nga nung binati kami ng Boracay sa hilagang dulo ng Panay. 10 AM kami dumating sa New Bacolod-Silay International Airport.

Unang beses ko rin sa isla ng Negros. First impressions: impressive airport, hospitable people. Nang nilapitan kami ni Debs ng mga pulis at inalok ng taxi, suspicious pa ako (nasanay sa mga pulis sa Maynila), pero ako pala ang mali. Ginagabayan lang pala talaga kami nina tsip sa tamang sasakyan (NYALA van/taxi).

Hinatid kami ng taxi sa Balay Kalinungan sa University of St. La Salle, around 15 minutes away from the airport. Nakilala namin ni Debs ang mga unang workshop friends namin -- sina Joselito delos Reyes (isa sa mga seniors ng LIRA) at Vijae Alquisola (CEGP President).

Pagkatapos mag-unpack, nananghalian kaming apat sa Robinsons sa Mandalagan. Hinatid kami ng van ng USLS. Lumibot-libot kami sa mall at namili ng ilang aklat sa Booksale. (Talagang 'yun ang unang hinanap 'no?)

Kinagabihan, pumunta ang mga Fellows sa Chicken House para sa welcome dinner. Ang hapunan: tsiken inasal, ano pa ba? Naging romantic ang dinner nang saglit nawalan ng kuryente. (Ito yung linggo na puro brownout sa Visayas.)

Pagkatapos ng hapunan, nagkuwentuhan muna ang mga Fellows sa hotel/retreat house namin. Ginawang katuwaan ang sawimpalad na si "Tala," ang mauunang iwoworkshop kinabukasan. Naki-ride na lang ako dahil ako ang makatang 'yun hehehe.

Ang kumpletong albums ng 9th IYAS Creative Writing Workshop:

• Part 1 -- Bacolod Arrival


• Part 2 -- A Rousing Start


• Part 3 -- Lovin' Bacolod


• Part 4 -- Bacolod After Dark


• Part 5 -- The Hacienda Ruins


• Part 6 -- Silay-Talisay Historical Tour


• Part 7 -- Our Graduation


• Part 8 -- Leaving Bacolod