LIRA All-Star Poetry Workshop 01/09

Enero 3, 2009: Last workshop ng mga Fellows ng LIRA Poetry Clinic 2008. Swerte sila; 8 sa mga pinakamatitinik na makata ng 'Pinas ang nagkritik sa kanila, sa pangunguna ni Rio Alma (National Artist for Literature Virgilio Almario).

Ang mga tumulong kay sir Rio sa panel: Roberto Añonuevo, Teo Antonio, Joey Baquiran, Michael Coroza, Marne Kilates, Vim Nadera, Fidel Rillo.

Nakatatak sa utak ko ang araw na 'to dahil nagsisimula pa lang ang "Alabang Boys" controversy at di ko pa alam kung ilalathala ni Jarius Bondoc ang liham kong nagtatanggol sa aking ama. The rest, as they say, is history.

Pagkatapos ng palihan, dumeretso kami ng mga "seniors" sa Trellis, kung saan pinagpulungan nila ang kanilang GSIS book project na tampok ang mga batikang makata at pintor ng bansa, ang Pitik-Bulag. (Ilang araw pagkatapos nito ay kinuha nila si Ynna bilang book coordinator.)