San Miguel Fetes National Artist Rio Alma (AM)

Part 1 ng field trip sa bayan ng San Miguel sa dulo ng Bulacan para sa "Pagpupugay sa mga Pambansang Alagad ng Sining," the Virgilio S. Almario leg noong Oktubre 30, 2009.

Ang "Pagpupugay" ay proyekto ng National Commission for Culture and the Arts at UP Institute of Creative Writing. Kinomisyon ako bilang photographer ng event, pero pipitik pa rin ako ng retrato kahit nagkataong walang bayad bilang pangulo ng LIRA at tagahanga ni sir Rio.

Para na ring grand homecoming ang event, sapagkat ang San Miguel ang tinubuang bayan ni sir Rio. 2nd time kong makasama sa isang parangal kay sir Rio sa Bulacan; ang una'y sa Malolos noong 2008.

4 AM pa lang, nagkita-kita na ang mga makatang kaibigan at mag-aaral ni ser sa UP Diliman. 2 van ang inarkila, isa para sa mga seniors (malalapit na kaibigan ni ser) at isa para sa LIRA (ang samahang itinatag ni ser).

Trapik sa Balintawak papasok ng NLEX. Buti na lang at on time kaming nakarating sa San Miguel. Nag-stop over pa kami sa munisipyo kung saan akala ko'y nasa Baguio na kami -- mahamog kasi at nakajacket pa ang ilan sa amin pagbaba ng van.

Pagkatapos, dumeretso kami sa San Miguel South District School. Pagdating namin sa paaralan, signal no. 2 na raw ng bagyong Santi. Maaraw naman kaya nagtaka kami.

Agenda for the morning: "Kumperensiyang Rio Alma." Nagbigay ng mga panayam ang tatlong matitinik na makata at kaibigan ni sir Rio, sina Rogelio Mangahas, Michael Coroza, at Roberto Añonuevo.

Pagkatapos ng conference, inalayan si sir Rio ng kanyang mga kababayan ng mga tula. Sumunod ang libreng tanghalian.

Nasa susunod na album ang afternoon programme, ang mismong pagpupugay kay Rio Alma.

(Ang ilang kuha rito ay galing sa camera ni Ynna.)