National Artists Lead Good Friday Rally-Penitence

April 2, 2010: Writers and artists led by LIRA and UMPIL gathered at the Plaza Francisco Balagtas in Pandacan, Manila on Good Friday, mounting a symbolic "clean-up" for Philippine arts and culture exactly on the 222nd birth anniversary of the country’s premier poet.

Galing 'yan sa press release ng okasyong 'to na kami ang nag-organisa. Pakibasa na lang para sa dagdag impormasyon.

Actually, apat ang naging okasyon sa araw na yun: Mahal na Araw, Kaarawan ni Balagtas, ang aming "Penitensiya," at siyempre ang Kaarawan ng mahal kong si Ynna. Nagbalikan tuloy siya mula at papuntang Dagupan para lang hindi maging absent sa event.

Ang "Penitensiya" ang isa sa mga main projects/events ng LIRA para sa 25th anniv nito ngayong 2010, at sina Ynna, Mel, at Carla ang nagsilbing mga event coordinators. Isa 'to sa mga naging pinakamahirap i-stage na proyekto ng LIRA. Kinabahan talaga kami na walang pupunta sa okasyon, pero sa kabutihang palad, naging matagumpay at masaya ang pagtitipon.

Kanya-kanya kaming sakripisyo at tunay na naging penitensiya para sa amin ang paghahanda para sa okasyon: paglalakad ng permit, pagsirko-sirko sa city hall at police station, paggawa ng plakard, at iba pa. Di ko rin tuloy natupad ang tradisyon naming mag-ama na Visita Iglesia. (Inalay ko na lang sa Diyos ang stress ko sa event hehe.)

Nagkita-kita ang mga kabataang makata ng LIRA sa Burger King Welcome Rotonda ng 7:30 AM. Sakay sa van ni Gian, dumeretso kami sa Dangwa para bumili ng bulaklak na iaalay kay Balagtas. Kami ang naging buena mano ng flower market sa umagang 'yon.

Pagkatapos ay tumulak na kaming Pandacan. Set-up dito at set-up doon ng mga streamer at banner. Nang kumapal ang tao, nagsimula na ang programa ng mga 8:30 AM.

Nagkaroon ng poetry readings, 15 minuto na cleanup, pagbasa ng cultural agenda, at prusisyon at pag-aalay ng bulaklak para kay Balagtas. Mga 10 AM na kami natapos.

Natuwa kami sa turn-out: lagpas 50 katao. Nanguna sa amin ang mga National Artist for Literature Virgilio S. Almario at Bienvenido Lumbera, senatoriable Sonia Roco, at dating Dept. of Tourism Secretary Gemma Cruz Araneta. Nasa mga retrato ang iba pang personalidad ng sining at kultura ng Filipinas.

Pagkatapos, nagtungo ang ilan sa mga makatang LIRA sa UP Technohub para mananghalian at ipagdiwang ang successful event...at siempre ang bertdey ni Ynna. Nagpainom si sir Rio (at dapat lang!). Lagpas 2 PM na kami naghiwahiwalay; nakisabay kami ni Ynna sa kotse ni ser Jim Libiran hanggang Cubao, kung saan sumakay ng bus si Ynna pauwi ng Dagupan.

Unless otherwise stated, all pics are from my Nikon D80 (although pinagpasapasahan namin sa LIRA ang photographer duties). Humiram ako ng ilang retrato mula kina Butch Guerrero, Eilene Narvaez, Sarah Raymundo. at Judy Taguiwalo. Maraming salamat po.