UP Lantern Parade '08 Pt. 1: 100 Years of UP

Disyembre 17, 2008: UP Centennial Christmas Lantern Parade.

Isa 'to sa mga pinakaaabangan kong araw ng taon (hindi lang dahil UP alumnus ako). Hitik lang kasi sa excitement ang buong Diliman. Madarama mo talaga sa ere ang kuryente.

Kaming tatlo lang ni Ynna at Debbie ang magkakasamang nanood ng parada. Unang beses yata 'yun ng dalawa (UST alumnae sila).

Dahil lagi kaming napapatambay sa CAL (LIRA workshop sa CNB, meetings sa Dean's Office ni sir Rio Alma, kung ano-anong pakay sa UP ICW office), saglit kaming nakisama sa CAL contingent. (Sa ilang taon ko nang pagpunta sa Lantern Parade ay noon pa lang ako nakasama sa isang grupo -- sa Eng'g nga ay hanggang nood lang ako!)

Nakatsamba naman kaming makaupo sa harap ng mismong performance area sa UP Oblation plaza. (Dumiskarte ako para makapuwesto doon.) Nasa susunod na album ang mga kuha ko doon.

Dahil masyadong marami ang pics ko mula sa araw na 'to, minabuti ko nang hatiin sa dalawang album:

• Part 1: 100 Years of UP


• Part 2: Front Row, Fireworks

Kasama na pala rito ang ilang piling retrato mula sa camera ni Ynna.