Aklan '09 5: Ati-Atihan Boozefest w/ a National Artist

Jan. 18, 2009: Ati-Atihan culminating Sunday, Kimpo food fest, and drinking spree w/ National Artist Rio Alma after Saturday's drunken street dancing.

Sa umaga, di muna naki-join sa parada kaming mga Dapitdilim-LIRA writers; inantay muna namin ang piyesta sa bahay namin. Nang sumugod na ang ibang mga bisita sa hapag-kainan, sinundo ko na ang aming "guests of honor," ang National Artist for Literature Rio Alma at kanyang asawa, si ma'am Lin. Baka maubusan kasi kami hehe.

Pagdating ng hapon, di kami kagad nakalabas dahil umulan. Nang nakapunta sa plaza, di rin kami nagtagal dahil may sinat si Carling. Habang nagpapahinga si ate, Rey, at Rom -- at habang nawawala si Debbie na nagpapa-henna pala -- lumakwatsa kami ni Ynna at nakihalubilo sa mga nagpaparada.

Bago bumalik sa bahay, dumaan muna kami ni Ynna sa katedral, na siya namang dinadagsa noon ng mga tao para sa ritwal ng "paeapak."

Kinagabihan, nakipagwasakan kami ng atay kasama si sir Rio habang inaasar ng panaka-nakang brownout ang Kalibo. Nagliwaliw muna kami sa plaza bago namin puntahan si ser sa kanilang hotel sa Bread & Butter. (Oo, yan talaga ang pangalan. Sikat na bakery chain kasi ang B&B sa Kalibo, and they translated their wealth into a small and cozy hotel.) Nagbrownout nang mga 20 minuto noong nasa kalye na kami, pero walang paki ang mga tao, enjoy pa rin sa parada at street party.

Lagpas hatinggabi na kami natapos makipagtomahan kay ser (flight nila pauwi ng Maynila kinabukasan samantalang papunta kaming mga bata sa Boracay). Habang naglalakad pauwi sa aming ancestral home, nasita pa ng ilang kalalakihang Kalibonhon ang mga gerls dahil ang iingay magtawanan sa gitna ng kalye.

Pagdating sa bahay, uminom pa kami uli ng kaunti kasama sina manang Khiara at Kim. Buti at nakagising kami nang medyo maaga-aga kinaumagahan para sa aming Boracay trip...at nasa susunod na album na 'yun.

Halo-halo na pala dito ang mga pics namin ni Ynna.

Album list of our vacation:

• Part 1: Their First Taste of Ati-Atihan


• Part 2: Saturday Ati-Atihan & Sampaguita Resort


• Part 3: Sampa Gardens & Mansion Tour


• Part 4: Ati-Atihan Drunken Street Dancing


• Part 5: Ati-Atihan Boozefest w/ a National Artist


• Part 6: From Ati-Atihan to Boracay Island


• Part 7: Boracay Swimming & Sandplay


• Part 8: Boracay Sunset & Partying


• Part 9: Farewell Boracay, Kalibo

Trip background:

Isang pulutong kaming bumiyahe: kaming mga Dapitdilim-LIRA writer-poets (Ynna, Debbie, Carla, Rey, Rom) at si sir Rio (National Artist for Literature Virgilio S. Almario) kasama ang kanyang asawa, si ma'am Lin.

Unang beses ng mga kasama kong 'bagets' na makapunta sa Aklan. Tinarget nila ang Boracay pero mas nahalina sa Ati-Atihan, kung saan ang buong bayan ay naglalasing, sumasayaw, tumatalon, at humihiyaw. (Basahin ang essay kong lumabas sa Feb.-March issue ng Balikbayan travel & lifestyle magazine para sa aming karanasan.)